一張卡片睇落簡單，但由設計稿變成成品，其實要經過幾個選擇：印刷方式、紙質、紙重、數量，以及後加工。
唔同選擇會直接影響卡片嘅顏色、手感、成本同製作時間。例如日常大量派發，可以揀比較實用嘅普通卡片；如果係品牌形象或者重要場合使用，就可以考慮特種紙、燙金、局部 UV 等加工。
所以印卡片之前，唔需要一開始就研究晒所有紙同加工。先諗清楚用途、數量、預算同幾時要收到，通常已經可以收窄好多選擇。
下面用三個步驟，簡單講清楚印卡片時應該點揀。
一、先揀印刷方式
印卡片第一步，係決定用邊種印刷方式。常見可以分成柯式合版印刷、數碼印刷及專版印刷，三者適合嘅用途唔同。
柯式合版印刷 | 數碼印刷 | 專版印刷 | |
常用顏色 | CMYK | CMYK | CMYK、專色、Pantone 等 |
紙質選擇 | 以常用卡紙、粉紙為主 | 可配合較多特種紙 | 可按要求選擇特種紙 |
顏色表現 | 適合四色圖片及一般商業印刷 | 顏色表現較直接，適合少量製作 | 較適合對指定品牌色有要求嘅項目 |
成本 | 大量印刷通常較容易控制成本 | 少量印刷較靈活 | 視乎紙質、數量及專色要求 |
比較適合 | 日常商務卡片、活動派發、銷售人員 | 少量、急用、需要較多紙質選擇 | 品牌色要求高、高端卡片 |
簡單講：如果只係想印一般公司卡片，大部分情況唔需要由印刷技術開始研究。先講用途同預算，再揀會快好多。
實際製作時間同價錢會因數量、紙質及加工而不同，最新規格及報價可以直接睇卡片分類頁。
二、再揀紙質同紙重
決定印刷方式之後，下一步就係揀紙。
紙質唔只影響手感，亦會影響顏色表現同整體品牌感覺。一般卡片都會使用較有挺度嘅紙張；如果太薄，拎上手會比較似宣傳單張，未必適合正式商務用途。
以下係 Printing Banana 現時幾款比較常用嘅卡片選擇：
紙質 | 實物圖 | 點揀？ |
 | 最常見亦比較容易使用嘅選擇。表面過啞膠後手感平滑，亦有一定保護作用，適合一般公司卡片、門店、銷售卡片同大量派發。 | |
 | 紙面潔白，質感比一般粉紙自然。適合留白較多、簡約設計，或者想要紙張原生手感嘅卡片。 | |
 | 帶有細緻珠光效果，從唔同角度睇會有輕微閃爍感。適合美容、精品、珠寶、時尚或者比較講究品牌質感嘅卡片。 設計上建議保留多少少紙面，避免成張用大面積深色覆蓋。 | |
 | 紙面有比較明顯嘅水紋，觸感同普通卡紙有明顯分別。適合顧問、專業服務、品牌卡片，以及想突出紙張本身質感嘅設計。 | |
 | 表面帶有規則壓紋，視覺同觸感都比較突出。適合想有特種紙質感，但又唔想加入太多後加工嘅卡片。 | |
 | 紙面帶有好似蛋殼一樣嘅幼細紋理，唔會太搶眼，但近睇同拎上手會有明顯質感。適合簡約、自然、高級感嘅設計。 | |
 | 紙面有比較細緻嘅水波壓紋，整體感覺樸實而有質感。適合品牌卡片、設計公司及想突出紙張特色嘅項目。 |
唔知自己應該印邊款卡片？
其實唔使先識晒所有紙質同加工，講用途會快好多。
日常公司用／大量派發
可以先由 啞膠卡片 呢類比較實用嘅選擇開始。
想有紙張質感
可以比較 荷蘭白卡、 冰白紙、 剛古水紋紙、 布紋紙、 蛋殼紙 同 靈感紙。
想再高級啲
可以喺卡片本身再加入燙金、局部 UV、擊凸或圓角等加工。
已經有設計稿，但唔肯定用邊款紙？
直接將稿件、數量同預計收貨日期 WhatsApp 畀我哋，我哋可以先幫你睇下方向。
伸延閱讀：
80g、128g？光粉紙、啞粉紙、書紙？教你分辨紙質、紙重、紙厚
三、最後先諗後加工
揀好紙質之後，先決定需唔需要加後加工。
加工最大作用唔係「愈多愈高級」，而係令卡片某一個重點更加突出。例如 Logo 燙金、指定位置做局部 UV、Logo 擊凸，或者將四角改成圓角。
每增加一項加工，都會增加額外工序。如果你有指定收貨日期，最好落單前先確認交期。
效果 | 將四角改成圓角，外形較柔和，亦適合會員卡、禮品卡等設計。 | 將金屬箔燙印到指定位置，最常見用喺 Logo、品牌名或姓名。 | 指定位置加入透明亮光效果，同啞面背景形成對比。 | 將 Logo 或文字壓出立體凹凸效果，主要靠觸感增加質感。 | 按照指定外框裁出特別形狀，需要另外準備清楚嘅裁剪線。 |
適合 | 簡約、服務品牌、會員卡 | 品牌 Logo、精品、高級卡片 | Logo、圖案重點、簡約設計 | Logo、文字、極簡高級設計 | 創意品牌、異形卡片、特別外形 |
準備印卡片？先講用途、數量同交期。
唔肯定應該揀啞膠、特種紙，定需要加燙金、UV、擊凸或者其他加工，都唔緊要。
如果已經有設計稿，可以將稿件、數量同預計收貨日期畀我哋，我哋可以由紙質、加工到交稿先幫你睇一次。
