想將 Logo、插畫或者角色圖案做成異形貼紙，最重要嘅一步，就係整好一條清楚嘅 Die Cut 刀線（剪裁線）。
用 Adobe Illustrator，其實幾個步驟就可以完成。今篇會由開文件、檢查圖片清晰度，到建立刀線同排版，一步步示範。
如果你係準備印 貼紙集，亦可以直接跟返 Printing Banana 現時嘅交稿規格做，避免排完先發現刀線太近或者圖案放得太密。
直接答案：Die Cut 刀線要獨立做一個圖層
Die Cut 刀線唔係印刷圖案本身，而係俾生產部知道貼紙要沿邊個位置裁切。
交稿時建議：
刀線用紅色線標示；
刀線獨立放喺一個圖層，可以命名做 diecut；
每個圖案外圍預留最少 1.5mm 出血；
文字、Logo 等重要內容離刀線建議最少 1.5mm；
兩個貼紙之間建議預留最少 3mm；
最外圍刀線離整張貼紙集成品邊最少 2mm。
1. 設定 Illustrator 文件
今次教學會用 A4（210 × 297mm） 貼紙集做示範。Printing Banana 現時貼紙集亦可以選擇 A5（148 × 210mm）。
建立新文件時，先設定：
尺寸：按你準備印嘅 A5 或 A4 設定；
色彩模式：CMYK；
圖片清晰度：300ppi 或以上；
工作區域 Artboard：一款排版用 1 個；如果有兩款獨立排版，可以開 2 個。
要留意，整張文件嘅出血，同每粒異形貼紙自己嘅刀線／出血係兩回事。做貼紙集時，每個圖案都要再按自己嘅 Die Cut 刀線預留出血。
2. 先檢查圖案夠唔夠清
用 JPG／PNG 圖片印貼紙
新手最容易忽略嘅，其實唔係刀線，而係原圖本身唔夠清。
將圖片放入 Illustrator 後，可以先檢查圖片實際尺寸下嘅解像度。一般印刷建議圖片喺實際印刷尺寸下有 300ppi 或以上，同時最好用 100% 顯示檢查圖片係咪清楚。
如果原圖本身好細或者已經起格，就算用軟件放大，都唔代表可以完整還原原本不存在嘅細節。
如果想再了解圖片解像度，可以睇：
用 Illustrator 向量圖印貼紙
如果你本身已有 AI／SVG 等向量圖，處理會簡單好多。
向量圖由路徑組成，正常情況下放大縮細都唔會好似 JPG、PNG 一樣起格，所以 Logo、簡單插畫或者圖形通常比較適合直接用向量稿製作刀線。
3. 用圖片製作 Die Cut 刀線
如果原稿係 JPG 或 PNG，可以先複製一份圖片，保留原圖作印刷，再用複製出嚟嗰份建立刀線。
Mac 可以用 Command + C 複製，再用 Command + Shift + V 原位貼上；Windows 就可以用 Ctrl + C 同 Ctrl + Shift + V。
之後可以使用 Illustrator 嘅影像描圖（Image Trace），將圖片轉成可以處理嘅外形，再按需要展開。
取得圖案外形之後，可以使用 Object → Path → Offset Path 建立外圍路徑。
呢度唔建議再死跟「一定 Offset 3mm」。 Offset 幾多，要睇你想唔想保留白邊，同埋圖案本身形狀。
例如想做常見嘅白邊角色貼紙，可以將刀線向外移一段距離；如果設計係滿版印到刀線，就要另外將背景／色塊延伸到刀線外，形成足夠出血。
完成之後：
將最外圍路徑設定成紅色描邊；
移除唔需要嘅填色；
將刀線搬到獨立嘅 diecut 圖層。
4. 用向量圖製作 Die Cut 刀線
如果本身已經係 Illustrator 向量稿，可以直接由圖形外框開始處理。
先檢查圖案有冇筆劃、效果或者未展開嘅物件。需要時可以先將筆劃／外觀展開，避免之後做 Offset Path 時個外框同預期唔一樣。
之後可以用 Offset Path 建立外圍，再利用 Pathfinder 等路徑工具將多個形狀合併成一條完整外框。
最後同樣將外框設定成紅色描邊，並放入獨立嘅 diecut 圖層。
5. 刀線之外，仲要留出血同安全距離
好多第一次整 Die Cut 嘅稿，刀線本身畫得啱，但最後仍然會出問題，原因通常係圖案貼刀線太近。
以 Printing Banana 現時貼紙集規格計：
位置 |
建議距離 |
原因 |
|---|---|---|
圖案出血 |
≥ 1.5mm |
避免裁切後邊位露白 |
重要內容離刀線 |
≥ 1.5mm |
避免文字、Logo 或重要圖案太近裁切位置 |
兩個貼紙之間 |
≥ 3mm |
避免刀路互相影響 |
最外圍刀線離整張成品邊 |
≥ 2mm |
避免貼紙排得太貼邊 |
簡單理解：
刀線外要有出血，刀線內重要內容亦要留安全位。
6. 一張貼紙集可以放幾多個圖案？
冇一個固定數字。
一張 A5 或 A4 貼紙集 可以排多個唔同圖案，實際放到幾多粒，要睇每粒貼紙尺寸、外形同排版方式。
最重要係兩個貼紙之間建議留最少 3mm，同時唔好將刀線塞到成品最邊。
所以與其問「一張 A4 最多可以放幾多粒」，更實際係先將想印嘅圖案排出嚟，再睇刀線距離夠唔夠。
7. 交稿前再 Check 5 樣
文件使用 CMYK；
圖片喺實際印刷尺寸下夠清晰，建議 300ppi 或以上；
文字已經建立外框，圖片已嵌入；
紅色 Die Cut 刀線已經獨立放入 diecut 圖層；
出血、安全距離同貼紙之間距離全部足夠。
想印 Die Cut 貼紙，可以由貼紙集開始
如果你想一版放幾個 Logo、角色、圖案或者短句，可以直接睇 貼紙集（可少量印刷）。
現時有 A5、A4 選擇，可以一版排多個圖案，再做半穿 Kiss Cut，背紙保留完整，每粒貼紙逐個撕落嚟使用。
唔識整刀線？發個稿俾我哋睇先
唔需要因為未識畫 Die Cut 線就唔敢印。
如果已經有 Logo、插畫或者一版排稿，可以先準備：
圖案檔／排版稿；
想印 A5 定 A4；
大概想每粒貼紙幾大；
有冇現成 AI／PDF 刀線。
發畀我哋，可以先幫你睇刀線可唔可以出、距離夠唔夠、出血有冇問題。
常見問題
Die Cut 同 Kiss Cut 有咩分別？
Die Cut 一般係指按指定外形裁切；貼紙集常見嘅半穿 Kiss Cut，就係只切開面層貼紙，保留下面整張背紙，方便每粒逐個撕出嚟使用。
Die Cut 刀線係咪一定要離圖案 3mm？
唔係。3mm 可以係某啲白邊貼紙嘅設計選擇，但唔係所有 Die Cut 稿件都必須固定 Offset 3mm。真正要留意嘅係出血、安全距離同實際裁切位置。
只得 JPG／PNG，冇 AI 檔可以嗎？
可以先提供圖片俾我哋睇。不過如果要製作半穿刀線，清晰向量稿或者 AI／PDF 文件會比較穩陣。
一張 A4 可以放幾多粒貼紙？
冇固定數字，要睇每粒貼紙嘅尺寸同形狀。兩個貼紙之間建議留最少 3mm，所以圖案愈細、排版愈整齊，一版通常可以放得愈多。
