印蕉紙版 2025
可能你已經知道，我哋今年嘅第一件事就係發佈左《印蕉紙版 2025》。快啲去感受下啦！
我哋嘅目標之一，就係幫助市場更加了解印刷業，咁大家可以真係知道一件印刷產品係點樣嘅感覺同效果。人嘅大腦非常之有趣，我哋總係覺得影片比圖片直觀，圖片又比文字容易理解，但最終要知道一件嘢係點樣，攞上手摸吓、睇吓、玩吓，係必不可少。所以，對於印刷質量同感覺有執著嘅人嚟講，攞住實物係非常重要嘅。
設計二三事
我哋同好多客人、同事傾咗好耐，一直去思索，究竟我哋最終想帶乜嘢俾客人。作為一間網上印刷公司，我哋一直都夢想有間實體店，一間有門、有裝飾、仲有我哋喺入面嘅實體店。所以，我哋決定設計一個3D場景，模擬出如果 PrintingBanana.com 真係為客人開一間專屬實體店，會係點樣。
選擇3D設計軟件
老實講，我係嗰個日日對客，但對設計唔係好識嘅人。不過，依家連 YouTube 都可以培養出奧運金牌得主，點解我唔得呢？ 我哋本身對 Adobe 嘅軟件已經好熟悉，所以反而唔會用佢哋嘅產品嚟開始（你懂的 ^^）。3ds Max？Cinema 4D？SketchUp？都唔係。我只係想開開心心咁開始學習。喺網絡世界搜羅一翻之後，我發現咗Spline，當發現可以即刻將設計變成可互動嘅遊戲，一睇就愛上咗，真係好正！
設計過程
印刷．設計．建議
PrintingBanana 馬騮仔
店舖俯視圖
設計概念
我哋希望帶俾大家一個充滿歡樂嘅印刷體驗。因此，可能你已經注意到，我哋喺場景入面加咗好多有趣嘅元素，好似有嘉年華嘅設施、遊樂場、同二樓飄浮住嘅波波（靈感來自扭蛋機）。除此之外，我哋都想加入啲本地元素，所以我哋設計咗香港標誌性嘅紅色的士，仲有專屬嘅送貨貨車。 
我哋嘅紙張選擇
雖然我哋希望提供最優質嘅紙張俾客人鑑賞同感受，但實際需要嘅紙張唔只係想要高級，而係紙張嘅特性。所以，我哋準備咗一系列日常用紙同特別紙張，包括光滑嘅同有紋路嘅紙。
為咗讓你睇到印刷效果，我哋用咗色彩鮮艷同大膽嘅設計，加上紙張名稱、克重（gsm）同裁切線，方便你同朋友、同事或者客人分享。
用到盡
《印蕉紙版 2025》已經發佈咗幾個星期，多謝大家嘅支持，依家我哋嘅庫存已經差唔多清晒，比預期仲要快！真係非常感激你哋嘅支持。我哋仲開發咗一個網站嚟向你介紹紙張，歡迎你體驗！（如果發現有bug，記得話俾我哋知啦！😉）
Paper Collection 2025: https://printingbanana.com/2025/paper-collection